Skip to main content

"व्यवसाय शिक्षण काळाची गरज " essay in marathi | मराठी निबंधलेखन

"व्यवसाय शिक्षण काळाची गरजवैचारिक मराठी निबंध


"व्यवसाय शिक्षण काळाची गरज" हा एक कल वैचारिक निबंध आहे. वैचारिक निबंधात आपल्याला एखाद्या गोष्टीचे महत्त्व स्पष्ट करायचे असते, त्या गोष्टीची गरज सांगायची असते. खाली दिलेला "व्यवसाय शिक्षण काळाची गरज" हा निबंध वैचारिक निबंधाचे एक उदाहरण आहे

 व्यवसाय शिक्षण काळाची गरज  

   भारत या आपल्या महान देशाला लोकसंख्येच्या विस्फोटाने घेरले आहे. बेकारी, रोजगाराचा प्रश्न प्रत्येक युवावर्गाला भेडसावत आहे. सुशिक्षित वर्ग नोकरीच्या मागे लागलेला आहे. कष्ट करण्याची प्रवृत्ती कमी झालेली आहे. एकीकडे गुणवंतांची खाण आहे तर दुसरीकडे अज्ञानाचा अंधार आहे; मार्गदर्शनाचा अभाव आहे. माहिती आणि तंत्रज्ञानाच्या आजच्या काळात व्यवसायाच्या माहितीचाच अभाव आहे. आजकाल शिक्षणातूनच व्यवसाय शिक्षणावर भर दिला जात आहे याचे ज्ञान प्रत्येकास पाहिजे. चाकाचा शोध लागला आणि मानवी जीवन गतिमान बनले. विविध व्यवसायांना चालना मिळाली, ग्रामीण भागात बारा बलुतेदार आपल्या व्यवसायातून निर्माण झाले आणि आज व्यवसाय निवडीची समस्या युवा पिढीसमोर उभी आहे. कोणता व्यवसाय निवडावा? आणि का निवडावा? हे त्यांना समजत नाही. केवळ नोकरीच्या मागे न लागता प्रत्येक तरुणांनी व्यवसाय शिक्षण घेणे महत्त्वाचे आहे. कारण ती आजच्या काळाची गरज आहे.  

   आजच्या शिक्षण पध्दतीतून बाहेर पडणारा प्रत्येक विद्यार्थी आपल्या जीवनात यशस्वी होतोच असे नाही. त्यांना त्यांच्या जीवनाचे उद्दिष्ट गवसत नाही. ध्येयहीन जहाज हेलकावत त्यांचा प्रवास चालू असतो. सुशिक्षित मुलांना काम येत नाहीत, कष्ट करावे वाटत नाहीत. एखादे काम मिळाले की त्यास नावे ठेवून मोकळे होतात. त्यापेक्षा न शिकलेला, कष्ट करणारा, शेतात राबणारा माणूस सुखासमाधानाने जगू शकतो. त्यासाठीच स्वयंरोजगाराची, व्यवसाय शिक्षणाची गरज आहे.  

    आज आपल्या भारतात व्यवसाय करून जगात लौकिक मिळविलेल्या कंपन्या स्वयंरोजगारातूनच उदयास आलेल्या आहेत. टाटा, बिर्ला असो, रिलायन्स असो, किर्लोस्कर असो अशा मोठमोठ्या कंपन्या व्यावसायिकास मार्गदर्शक आहेत. विविध क्षेत्रांत विविध व्यवसाय विकसित झालेले आहेत. वैद्यकीय क्षेत्र, वाणिज्य क्षेत्र, शेती क्षेत्र, गृहशास्त्र, तंत्रज्ञान, मत्स्य व्यवसाय प्रत्येक क्षेत्रात व्यवसायाच्या भरपूर संधी आहेत; दहावी आणि बारावीनंतर व्यवसाय शिक्षणाच्या भरपूर संधी आहेत; परंतु त्यासाठी लोकांची मानसिकता बदलणे आवश्यक आहे. व्यवसाय शिक्षण घेण्यात रस असला पाहिजे. व्यवसाय शिक्षणात भरपूर फायदा आहे. टोमॅटो सॉस, जॅम, जेली, लोणची, पापड आदी पदार्थ, दुग्धजन्य पदार्थ, स्टेशनरी, वस्तू तयार करणे, आय.टी.आय. मधून मिळणारे ज्ञान व विविध कोर्सेस, संगणक क्षेत्रातील कोर्सेस अशा कोणत्याही व्यवसायाची निवड केली, आत्मविश्वासाने, जिद्दीने, कष्टाने, प्रयत्नपूर्वक व्यवसाय केल्यास निश्चित यशप्राप्ती होते. कुणीही बेकार राहणार नाही. बेकारीतूनच विविध प्रश्न, समस्या निर्माण होतात.  

   एखाद्या शिलाई मशिनचा वापर करून जीवन यशस्वीपणे जगणारे टेलर, कोणतीही मशिन दुरुस्त करण्याचे ज्ञान असलेला माणूस बेकार राहत नाही, उपाशी राहत नाही. व्यवसाय करणाऱ्यांमध्ये जिद्द हवी, नवनिर्मितीची इच्छा हवी, व्यावहारिक ज्ञान हवे, निर्णयक्षमता हवी, बोलण्याची कला असावी. आणि दूरदृष्टी असावी. या सर्व गुणांनी युक्त असलेला व्यावसायिक, मालक आपला व्यवसाय यशस्वीपणे सांभाळेल, अर्थार्जनसुध्दा व्यवस्थित करेल.

   आज आपल्या महाराष्ट्रात जवळजवळ ६० ते ७० लाख पदवीधर आहेत, त्यांना नोकरी पाहिजे परंतु सरकार एवढ्या मोठया संख्येने रोजगार किंवा सेवा देऊ शकत नाही. याचा विचार करून बेकार राहण्यापेक्षा, वाममार्गाला लागण्यापेक्षा, जीवन उद्ध्वस्त होण्यापेक्षा एखादा उद्योग, व्यवसाय करावा. 'जो उद्योग करतो त्यास ईश्वर सहाय्य होतो' म्हणून सतत प्रयत्न केले पाहिजेत, व्यवसाय शिक्षण घेतले पाहिजे.

-समाप्त-

मित्रांनो "व्यवसाय शिक्षण काळाची गरज" या विषयावरचा निबंध तुम्हाला आवडला आहे का ? यातील काही गोष्टीत बदल करावा अस जर तुम्हाला वाटत असेल तर तुम्ही मला खाली कॉम्मेंट करून नक्की सांगा.

!! धन्यवाद !! 

Also read : 

Comments

Popular posts from this blog

"मी मुख्यमंत्री झालो तर... " essay in marathi | मराठी निबंधलेखन | कल्पनात्मक निबंध

  मी मुख्यमंत्री झालो तर...  कल्पनात्मक मराठी निबंध " मी मुख्यमंत्री झालो तर.. " हा एक  कल्पनात्मक निबंध  आहे. कल्पनात्मक निबंधात आपल्याला एखाद्या गोष्टीची कल्पना करायची असते. खाली दिलेला " मी मुख्यमंत्री झालो तर.. " हा निबंध  कल्पनात्मक निबंधाचे  एक उदाहरण आहे.   मी मुख्यमंत्री झालो तर..कल्पनात्मक निबंध   विधानसभेच्या निवडणुका पार पडल्या आणि संपूर्ण महाराष्ट्राचे लक्ष आता मुख्यमंत्री कोण होणार  या घटनेकडे लागून राहिले. प्रत्येक जण आपापला प्रयास करू लागले. सत्ताधारी पक्षातील दिग्गजांची नावे चर्चेत येऊ लागली असताना मलाही असे वाटले की मुख्यमंत्र्याचे पद किती महत्त्वाचे आहे, गौरवाचे आहे आणि मानाचे आहे. तो सन्मान आपल्याला मिळाला तर...मी मुख्यमंत्री झालो तर... या विचारात मी रंगून गेलो.   भारतातील एक महत्त्वाचे राज्य म्हणून महाराष्ट्राचा लौकिक आहे. महाराष्ट्राच्या मुख्यमंत्रिपदाची धुरा सांभाळणे ही सामान्य बाब नसते. महाराष्ट्रातील सर्वांची मुख्यमंत्र्यांकडून खूप अपेक्षा असते. हे पद अतिशय जबाबदारीचे असते. महाराष्ट्राच्या मुख्यमंत्र्याच्या यादीत माझे नाव सामील होणार याचा मला

वर्तमानपत्रे बंद झाली तर essay in marathi | मराठी निबंधलेखन | कल्पनात्मक निबंध

"वर्तमानपत्रे बंद झाली तर"  कल्पनात्मक मराठी निबंध   "वर्तमानपत्रे बंद झाली तर.." हा एक कल्पनात्मक निबंध आहे. कल्पनात्मक निबंधात आपल्याला एखाद्या गोष्टीची कल्पना करायची असते. खाली दिलेला "वर्तमानपत्रे बंद झाली तर.." हा निबंध कल्पनात्मक निबंधाचे एक उदाहरण आहे. वर्तमानपत्रे बंद झाली तर.... वर्तमानपत्रे नसती तर...      दररोज सकाळी सहा-सव्वासहा वाजता 'पेपर' असा आवाज येतो आणि पटकन मी दरवाजा उघडून वर्तमानपत्र घेऊन वाचत बसतो. जगभरातल्या घडामोडी घरबसल्या समजतात परंतु आज पेपरवाला आलाच नाही. तास, दोन तास वाट पाहिली अगदी बेचैन झालो. वर्तमानपत्र वाचनाची इतकी सवय झाली होती की, ते वाचन माझ्या जीवनाचा अविभाज्य भाग बनला आहे. वाचनाशिवाय दिवसाची सुरुवात होत नाही, आज पेपर न आल्यामुळे माझ्या मनात क्षणभर एक विचार आला की ही वर्तमानपत्रे बंद झाली तर .... बापरे! ही कल्पनाच करवत नाही. वर्तमान पत्रे बंद झाली तर आपल्या देशात, राज्यात, शहरात घडलेल्या घडामोडी, त्यांचे बरे-वाईट परिणाम समजणार नाहीत, कोणतीही माहिती मिळणार नाही.      आजच्या माहिती आणि तंत्रज्ञानाच्या युगातसुद्धा व