Skip to main content

वृक्षाचे मानवी जीवनातील स्थान मराठी निबंधलेखन | Marathi Essay Writing

 

वृक्षाचे मानवी जीवनातील स्थान वर्णनात्मक मराठी निबंधलेखन



(" वृक्षाचे मानवी जीवनातील स्थान..." हा एक वर्णनात्मक निबंध आहे. वर्णनात्मक निबंधात आपल्याला एखाद्या गोष्टीचे वर्णन करायचे असते, त्या गोष्टीबद्दल माहिती सांगायची असते. खाली दिलेला "वृक्षाचे मानवी जीवनातील स्थान..." हा निबंध वर्णनात्मक निबंधाचे एक उदाहरण आहे.)

 वृक्षाचे मानवी जीवनातील स्थान


  वृक्षवल्ली आम्हा सोयरे वनचरे | संत तुकारामांचा हा अभंग प्रत्येकालाच आवडतो, वृक्ष हीच देवता, वनश्री हीच धनश्री, एक मूल एक झाड अशा प्रकारची वचने, विचार केवळ ऐकून किंवा वाचून चालणार नाही तर वृक्षलागवड करुन त्यांची जोपासना केली पाहिजे. वृक्षाचे संगोपन करणे, संरक्षण करणे है फार महत्त्वाचे आहे कारण वृक्षाचे मानवी जीवनातील स्थान अन्यसाधरण आहे व खुप महत्वाचे आहे.

  वृक्ष ही नैसर्गिक साधनसंपत्ति आहे. वृक्षामुळे आपल्याला प्राणवायु मिळतो परंतु आजच्या या अफाट वाढलेल्या लोकसांखेमुळे वृक्षतोड़ मोठ्या प्रमाणात केली जात आहे. त्यामुळे शुध्द हवा मिळत नाही, प्रदूषण वाढत आहे, कार्बनडाय ऑक्साईडचे प्रमाण वाढत आहे, ओझोनचा थर कमी होत आहे, पृथ्वीचे तापमान वाढले आहे त्यामुळे बर्फाचे वितळणे वाढून समुद्राच्या पाण्याची पातळी वाढत आहे. अशी संकटांची मालिका केवळ वृक्षतोडीमुळे होत आहे. वृक्षांचा उपयोग इंधनासाठी होतो, इमारत बांधणीसाठी होतो, फर्निचर तयार करणे, कलाकुसरीच्या वस्तू तयार करणे, औषधांसाठी, कागदनिर्मिती, जहाजबांधणी अशा विविध गोष्टींसाठी मानव वृक्षाचा पुरेपूर उपयोग करून घेत आहे.

 कोकणातील समुद्रकाठचा कल्पवृक्ष 'माड' म्हणजे नारळ. या फळास धार्मिक आणि आरोग्य आहाराच्या दृष्टीने खूप महत्त्व आहे. आंबा, चिंच, बाभूळ, वड, निंब, निलगिरी, चंदन, सागवान, शिश, खैर, सुंद्री अशा विविध प्रकारच्या वृक्षामुळे जमिनीची धूप होत नाही. वृक्षामुळे वाऱ्याचा वेग कमी होतो, महापुरावर नियंत्रण आणता येते. वृक्षामुळे पाणी जमिनीत मुरते, अशा प्रकारे पर्यावरणाचा समतोल वृक्षामुळेच राखला जातो. तापमानाची तीव्रता कमी करण्यासाठी वृक्षांची लागवड केली जाते. सध्या पावसाचे स्वरूप अनियमित व अनिश्चित झाले आहे. एकीकडे महापुराची तर दुसरीकडे दुष्का:ळाची स्थिति असते. सध्या शेतकरी संकटात आहे. याला कारणीभूत पूर्ण मानवसमाज आहे. पाऊस नाही, पीक नाही, पैसा नाही, मूलभूत गरजा भागत नाहीत म्हणून आत्महत्या होत आहेत. त्यासाठी पाऊस वेळेवर यावा म्हणून प्रार्थना, यज्ञ, होम, हवन करण्यापेक्षा वनसंधारणावर प्रत्येकानेच लक्ष दिले तरच ही समस्या, त्याची तीव्रता कमी होईल. 

  हिरडा, बेहडा, तुळस, पळस, शतावरी, निलगिरी या वृक्षांना आयुर्वेदात अत्यंत महत्त्व आहे. बुध्दी, स्मृती ताजी ठेवण्यासाठी आरोग्य चांगले, सुदृढ राहण्यासाठी विविध विकारांवर उपयोगी ही वृक्षे आहेत. फुला- फळांपासून ते मुळांपर्यंत वृक्षाचा प्रत्येक अवयव मानवासाठी महत्वाचा असतो. माणूस मात्र त्याचीच तोड करत आहे.

झाड म्हणतं झारा दे
 पाखरू म्हणतं चारा दे।

 प्राणी, पक्षी वनात राहतात. वृक्षतोड झाल्याने त्यांचेही अस्तित्व धोक्यात आलेले आहे. काही प्राण्यांच्या जातीच नामशेष झालेल्या आहेत. निसर्गाची ही देणगी माणूस उद्ध्वस्त करत आहे. निसर्गाचा -हास होत आहे. हा -हास थांबविण्यासाठी वृक्षतोड थांबवली पाहिजे कारण वृक्षाशिवाय आज माणूस जगूच शकत नाही.

-समाप्त-

मित्रांनो "वृक्षाचे मानवी जीवनातील स्थान" या विषयावरचा निबंध तुम्हाला आवडला आहे का ? यातील काही गोष्टीत बदल करावा अस जर तुम्हाला वाटत असेल तर तुम्ही मला खाली कॉम्मेंट करून नक्की सांगा.

!! धन्यवाद !! 

Also read : 

Comments

Popular posts from this blog

"व्यवसाय शिक्षण काळाची गरज " essay in marathi | मराठी निबंधलेखन

" व्यवसाय शिक्षण काळाची गरज "  वैचारिक मराठी निबंध " व्यवसाय शिक्षण काळाची गरज "  हा एक कल  वैचारिक निबंध   आहे. वैचारिक निबंधात आपल्याला एखाद्या गोष्टीचे महत्त्व स्पष्ट करायचे असते, त्या गोष्टीची गरज सांगायची असते. खाली दिलेला " व्यवसाय शिक्षण काळाची गरज " हा  निबंध  वैचारिक निबंधाचे एक उदाहरण आहे   व्यवसाय शिक्षण काळाची गरज      भारत या आपल्या महान देशाला लोकसंख्येच्या विस्फोटाने घेरले आहे. बेकारी, रोजगाराचा प्रश्न प्रत्येक युवावर्गाला भेडसावत आहे. सुशिक्षित वर्ग नोकरीच्या मागे लागलेला आहे. कष्ट करण्याची प्रवृत्ती कमी झालेली आहे. एकीकडे गुणवंतांची खाण आहे तर दुसरीकडे अज्ञानाचा अंधार आहे; मार्गदर्शनाचा अभाव आहे. माहिती आणि तंत्रज्ञानाच्या आजच्या काळात व्यवसायाच्या माहितीचाच अभाव आहे. आजकाल शिक्षणातूनच व्यवसाय शिक्षणावर भर दिला जात आहे याचे ज्ञान प्रत्येकास पाहिजे. चाकाचा शोध लागला आणि मानवी जीवन गतिमान बनले. विविध व्यवसायांना चालना मिळाली, ग्रामीण भागात बारा बलुतेदार आपल्या व्यवसायातून निर्माण झाले आणि आज व्यवसाय निवडीची समस्या युवा पिढीसमोर उभी आहे. कोणत

"मी मुख्यमंत्री झालो तर... " essay in marathi | मराठी निबंधलेखन | कल्पनात्मक निबंध

  मी मुख्यमंत्री झालो तर...  कल्पनात्मक मराठी निबंध " मी मुख्यमंत्री झालो तर.. " हा एक  कल्पनात्मक निबंध  आहे. कल्पनात्मक निबंधात आपल्याला एखाद्या गोष्टीची कल्पना करायची असते. खाली दिलेला " मी मुख्यमंत्री झालो तर.. " हा निबंध  कल्पनात्मक निबंधाचे  एक उदाहरण आहे.   मी मुख्यमंत्री झालो तर..कल्पनात्मक निबंध   विधानसभेच्या निवडणुका पार पडल्या आणि संपूर्ण महाराष्ट्राचे लक्ष आता मुख्यमंत्री कोण होणार  या घटनेकडे लागून राहिले. प्रत्येक जण आपापला प्रयास करू लागले. सत्ताधारी पक्षातील दिग्गजांची नावे चर्चेत येऊ लागली असताना मलाही असे वाटले की मुख्यमंत्र्याचे पद किती महत्त्वाचे आहे, गौरवाचे आहे आणि मानाचे आहे. तो सन्मान आपल्याला मिळाला तर...मी मुख्यमंत्री झालो तर... या विचारात मी रंगून गेलो.   भारतातील एक महत्त्वाचे राज्य म्हणून महाराष्ट्राचा लौकिक आहे. महाराष्ट्राच्या मुख्यमंत्रिपदाची धुरा सांभाळणे ही सामान्य बाब नसते. महाराष्ट्रातील सर्वांची मुख्यमंत्र्यांकडून खूप अपेक्षा असते. हे पद अतिशय जबाबदारीचे असते. महाराष्ट्राच्या मुख्यमंत्र्याच्या यादीत माझे नाव सामील होणार याचा मला

वाचन एक छंद essay in marathi | मराठी निबंधलेखन | वैचारिक निबंध

  वाचन एक छंद  वैचारिक मराठी निबंध वाचन एक छंद "  हा एक कल  वैचारिक निबंध  आहे. वैचारिक निबंधात आपल्याला एखाद्या गोष्टीचे महत्त्व स्पष्ट करायचे असते, त्या गोष्टीची गरज सांगायची असते. खाली दिलेला " वाचन एक छंद " हा  निबंध  वैचारिक निबंधाचे एक उदाहरण आहे.   वाचन एक छंद निबंध      'मला एखादे छानसे पुस्तक किंवा त्यातील उतारा वाचल्याशिवाय झोपच येत नाही', सकाळी वर्तमानपत्र वाचल्याशिवाय दिवसाची सुरूवात चांगली झाली असे वाटत नाही. अशा प्रकारची मनोगते आपण ऐकतो. 'व्यक्ती तितक्या प्रकृती' या उक्तीप्रमाणे प्रत्येकाचे छंद वेगवेगळे असतात. त्यापैकी 'वाचन' हा माझा छंद आहे.  माणसाच्या या महासागरात प्रत्येक जण आपापल्या छंदाची जोपासना मोत्याप्रमाणे करत असतो. प्रत्येकाला कुठला ना कुठला छंद असतोच, परंतु इतर छंदापेक्षा 'वाचन' हा छंद मला आईने सांगितलेल्या कथांमुळे आवडू लागला. आईने वाचनाची सवय लावली, आणि मी वाचतच आहे. मानवाच्या सर्वांगीण विकासात शैक्षणिक, सामाजिक, सांस्कृतिक, अध्यात्मिक प्रगती होत असते ती वाचनामुळे. सुसंस्कारी, सत्शील, चांगल्या चारित्र्याच्या जीवन